ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Җәмгыять

Самара шәһәре “Татарча диктант” акциясенә кушыла

17 октябрь 2018, 07:40

Һәр теләгән кеше, диктант язуда катнашып, татар телен белү дәрәҗәсен тикшерә ала.

(Казан, 17 октябрь, “Татар-информ”). 27 октябрьдә 20 илдә һәм 60 төбәктә узачак “Татарча диктант” акциясенә Самара да кушыла. Бу хакта Бөтендөнья татар конгрессы матбугат хезмәте хәбәр итә.

Диктантны сәгать 10.00 «Яктылык» татар мәктәбендә, 15.00дә Халыклар дуслыгы йортында язачаклар.

Акциянең максаты – татар телендә хатасыз язарга өйрәтү, әдәби татар телен кулланучыларның даирәсен арттыру, орфографик һәм грамматик хаталарны тикшерү. Һәр теләгән кеше, диктант язуда катнашып, татар телен белү дәрәҗәсен тикшерә ала.

Әлеге акцияне Самарада «Яктылык» татар мәктәбе, өлкә «Туган тел» татар җәмгыяте, өлкә татар милли-мәдәни автономиясе оештыра. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10