ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Спорт

“Ак Барс” уенчысы тимераягына бәрелеп кергән алка җиңелүгә китерде

17 октябрь 2018, 07:15 , Фото: Михаил Захаров

“Ак Барс” уенчысы тимераягына бәрелеп кергән алка җиңелүгә китерде “Ак Барс” хоккей командасы Финляндиядән килгән “Йокерит”ка каршы уенда 2:3 исәбе белән җиңелде.

(Казан, 17 октябрь, “Татар-информ”, Гөлия Хасбиуллина). “Тантнефть-Арена” Боз сараенда “Ак Барс” хоккей командасы белән Финляндиядән килгән “Йокерит” командасы уены "Ак Барс”ның җиңелүе белән төгәлләнде.

Беренче период. Беренче егерме минутлык тәмамланырга 30 секунд кала “Йокерит” хоккейчысы Карл Столлери, алка кертеп, исәпне ачып җибәрде (0:1).

Икенче период. Унҗиденче минутта “Ак Барс” уенчысы Джастин Азеведо исәпне тигезләштерде (1:1)

Өченче период. Икенче минутта, күпчелектә уйнаганда, үзенең төгәл бәрүе белән Иржи Секач “Ак Барс” командасын алга чыгара алды (2:1). Исәп үзгәргәннән соң “Йокерит” уенчылары һөҗүмнәрен кискенәйтергә тырыштылар. Хәтта, капкачы белән бергә-бер чыгып, алка кертү мөмкинлеге дә будырдылар, ләкин Эмиль Гарипов капканы саклап кала алды. Унҗиденче минутта “Йокерит” командасы, күпчелектә уйнап, исәпне тигезләштерә алды (2:2). Период бетәргә ике минут кала “Йокерит” командасы алга чыкты, алка “Ак Барс” уенчысы Станислав Галиев тимераягына бәрелеп керде (2:3).

Командалар составы:
"Ак Барс":
Гарипов (Подъяпольский);
Секач – Ландер – Азеведо, Педан – Постма;
Зарипов – Ткачев – Галиев, Юдин – Абросимов;
Лукоянов – Попов – Потапов, Яруллин – Марков;
Клинкхаммер – Бурмистров – Глухов (Кара).
"Йокерит":
Калниньш (Запольски);
Йоэнсуу – Норман – О’Нилл, Кивистё – Лепистё;
Йормакка – Плэтт – Н. Йенсен, Столлери – Грант;
Иконен – Маннинен – Мозес, Й. Йенсен – Лёв;
Пильстрём – Ниеми – Анттила.

Киләсе уенны “Ак Барс” “Татнефть-Арена" бозында Уфаның “Салават Юлаев” командасына каршы үткәрәчәк. “Ак Барс” – “Салават Юлаев” матчлары халыкта Яшел дерби (дерби – кискен принципиаль каршылык) исемен йөртә. Чираттагы Яшел дерби бу сезонда беренче тапкыр Казанда үтәчәк. Соңы тапкыр бу ике команда Башкортстанда 14 сентябрь көнне очрашкан иде. Ул уенда “Ак Барс” буллитлар буенча 4:5 исәбе белән җиңү яулады.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10