ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Җәмгыять

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады

16 октябрь 2018, 19:59 , Фото: gossov.tatarstan.ru

Фәрит Мөхәммәтшин Әлмәт районы өлкәннәрен Ветераннар советының 40 еллыгы белән котлады
 Татарстан Республикасы Дәүләт Советы Рәисенә ветераннар хәрәкәтендәге тырыш хезмәте өчен Мактау билгесе тапшырдылар.

(Казан, 16 октябрь, “Татар-информ”). Бүген Татарстан Республикасы Дәүләт Советы рәисе Фәрит Мөхәммәтшин Әлмәт районы Ветераннар советының 40 еллыгына багышланган конференциядә катнашты. Бу хакта Татарстан Дәүләт Советы матбугат хезмәте хәбәр итә.

Утырыш бүген Әлмәттә җирләнгән Россиянең һәм ТАССРның атказанган нефть һәм газ сәнәгате хезмәткәре Өлфәт Мәгановны бер минутлык тынлык белән искә алудан башланды.

Районда хәзерге вакытта лаеклы ялда булган 47 мең кеше яши. Фәрит Мөхәммәтшин залдагыларны ветераннар оешмасының юбилее белән котлады. Ул оешма әгъзаларының кече ватаннарын үстерүдә саллы ярдәм күрсәтүләрен билгеләп узды. Өлкәннәрнең актив яшәү рәвеше республикада үсә барачагына ышанычын белдерде.

Татарстан Дәүләт Советы Рәисе якташларына аның өчен кызарырга туры килмәслек итеп эшләргә тырышуын әйтте.

Парламент рәисе ветераннарга Рәхмәт хатлары тапшырды. Аның үзенә Әлмәт районы Ветераннары һәм пенсионерлары советы президиумы карары нигезендә ветераннар хәрәкәтендәге тырыш хезмәте өчен Мактау билгесе тапшырдылар.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10