ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Татарстанда 5 меңгә якын хатын-кызга беренче бала өчен пособие билгеләнгән

16 октябрь 2018, 10:38 , Фото: архив/Султан Исхаков

Татарстанда 5 меңгә якын хатын-кызга беренче бала өчен пособие билгеләнгән Быел республикада беренче баласын тапкан әниләр өчен пособиенең күләме 8490 сум тәшкил итә.

(Казан, 16 октябрь, «Татар-информ»). Татарстанда туучылар саны артканнан-арта бара. Беренче сабыйлары тууга бәйле рәвештә айлык пособие алучы әниләр саны фаразланган күрсәткечтән йөзгә артып китте. Республикада 4725 хатын-кызга беренче бала өчен пособие билгеләнгән. Бу хакта ТР Хезмәт, мәшгульлек һәм социаль яклау министрлыгы матбугат хезмәте хәбәр итә.

Башлангыч фаразларга караганда, быел айлык түләүләргә 4,6 меңгә якын гаилә дәгъва кыла. Бүгенге көндә беренче баласын тапкан әниләр саны инде фаразланган күрсәткечтән 125 кешегә артып китте. Ел тәмамланырга 2,5 ай вакыт калды, димәк, яңа пособиеләргә федераль бюджеттан өстәмә финанслар таләп ителәчәк.

«Республика билгеләнгән планны арттырып үтәде. Барлык гаиләләр дә үзләренә тиешле пособиеләрне алачак», - дип искәрттеләр ТР Хезмәт, мәшгульлек һәм социаль яклау министрлыгы матбугат хезмәтендә.

Быел республикада беренче баласын тапкан әниләр өчен пособиенең күләме 8490 сум тәшкил итә. Айлык түләүләргә 2018 елның 1 гыйнварыннан соң баласы туган яки уллыкка бала алган хатын-кызлар дәгъва итә ала. Ана кеше дә, бала да Россия гражданнары булырга һәм аның территориясендә яшәргә тиеш.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10