ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Татар дөньясы

"Энҗе бөртекләре" фестиваленең йомгаклау концерты якынлаша

15 октябрь 2018, 19:56

Габдулла Тукай исемендәге фестиваль быел унынчы тапкыр үткәреләчәк.
(Казан, 15 октябрь, "Татар-информ"). 21 октябрь көнне Габдулла Тукай исемендәге Х "Энҗе бөртекләре" Мәскәү балалар иҗаты фестивале җиңүчеләрен бүләкләячәкләр. Бу хакта Мәскәү Татар мәдәни үзәге хәбәр итә. 
 
Фестиваль өч турдан гыйбарәт. Өченче турга узучылар 20 октябрь көнне чыгыш ясаячак. 21 октябрьдә исә йомгаклау концерты һәм бүләкләү тантанасы узачак. 
 
Фестивальдә 4-18 яшьлек балалар катнаша. Алар хореография, вокал, сүз сәнгате жанрларында сәләтләрен күрсәтә ала. Шулай ук, музыка уен коралларында уйнаучы балалар өчен аерым номинация каралган. 
 
Фестивальнең максаты - татар халкының мәдәни гореф-гадәтләрен яңарту, үстерү һәм саклау; яшь буында ватанпәрвәрлек хисләре тәрбияләү; Мәскәү халкын татар мәдәнияте белән таныштыру; балаларда ана теленә һәм мәдәнияткә кызыксыну уяту; сәләтле балаларны барлау; милләтләр арасында дуслыкны ныгыту. 
 
"Энҗе бөртекләре"ндә җиңүчеләр лауреат исеменә лаек булып, дипломнар белән бүләкләнәчәк. Иң оста башкаручыга Гран-при тапшырылачак. Габдулла Тукай әсәрен иң оста сөйләүчегә аерым бүләк бирү күздә тотыла. Балаларны әзерләгән педагоглар да бүләксез калмаячак, дип вәгъдә итә оештыручылар. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10