ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Татарстанда соңгы егерме елда беренче тапкыр кызамык авыруы теркәлгән

15 октябрь 2018, 13:57

Яр Чаллыда ике бала кызамык чире йоктырган.

(Казан, 15 октябрь, «Татар-информ», Гөлнар Гарифуллина). Яр Чаллыда балаларда ачыкланган кызамык чире - Татарстанда соңгы егерме елда теркәлгән беренче очрак. Бу хакта бүген Татарстанның Сәламәтлек саклау министрлыгының штаттан тыш баш эпидемиологы Наталья Ивойлова хәбәр итте.

Аның сүзләренә караганда, әлеге йогышлы чиргә каршы вакцинациядән баш тарту аркасында, авыру Татарстанга да килеп җитте. “Бу авыру әле бездә юк, Мәскәү, Башкортстанда гына теркәлгән иде”, - диде Н.Ивойлова.

Яр Чаллыда ике бала  кызамык чире йоктырган. Бер балага җиде ай, ул прививка ясау яшенә җитмәгән булган. Ә икенчесенә бер яшь сигез ай. Балалар бакчасына йөргән бу сабыйның әти-әнисе вакцинациядән баш тарткан булган.

  • Кызамык – көчле йогышлы чир, һава юлы белән күчә, тән температурасы 40,5 градуска кадәр күтәрелергә мөмкин. Авыз куышлыгы һәм өске тын юллары ялкынсына. Бу авыруга, шулай ук, конъюнктивит, тәнгә тап-тимгелләр чыгу хас.

Наталья Ивойлова әйтүенчә, прививка ясалмаган барлык балалар куркыныч төркеменә карый. “Кызамык турында шик туган очракта да, прививкалы бер бала да әлеге чир белән авырмады, кызамык диагнозы расланмады”, - диде ул.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10