ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Татар дөньясы

Рүзәл Мөхәммәтшин Хәтер көне митингының форматы искерде дип белдерде

13 октябрь 2018, 18:35 , Фото: Рамиль Гали

Рүзәл Мөхәммәтшин Хәтер көне митингының форматы искерде дип белдерде Шагыйрь бу чара тынычрак мохиттә узарга тиеш, дип саный.

(Казан, 13 октябрь, "Татар-информ", Гөлнар Гарифуллина). Шагыйрь Рүзәл Мөхәммәтшин фикеренчә, Хәтер көне митингының форматы искергән. Бу хакта ул "Татар-информ" хәбәрчесенә әйтте.

  • Казанның Тинчурин паркында 1552 елгы канкойгыч фаҗигадә шәһит киткән корбаннарны искә алдылар. Чарада, гадәттәгечә, чыгышлар шигырь-җырлар белән үрелеп барды. Митингта катнашучылар быелгы үзенчәлек дип Чаллыдан Флера Талипова башкаруындагы җырларны атадылар. 

"Бу - минем өчен гомуммилли сыктау көне. Әти-әнине югалткач та нык кайгырасың, ә монда без биш гасырга якын вакыт элек дәүләт кадәр дәүләтебезне югалтканбыз. Бу - бик зур фаҗига. Без аны хәтерләргә тиешбез. Мин халкым белән бергә елыйм. Эчтән генә шәһит бабаларымның рухына дога кылам", - диде Рүзәл Мөхәммәтшин.

Ул үзе митингның форматы белән килешмәвен әйтте. Шулай да, ничек кенә оештырылуына карамастан, бармыйча калырга ярамый, дип саный. Дус-туганнарын килергә кыстамаса да, барсаң әйбәт инде, дип исләренә төшерүен әйтте.

"Бернинди мәҗбүрият кирәк тә түгел. Һәркем күңел кушуы буенча барырга тиеш, дип саныйм мин. Бәлки, ялгышамдыр. Беренче тапкыр Хәтер көнендә 2006 елда булдым кебек. Шул вакытта ук ниндидер искергән формат итеп кабул иткән идем. Бүген дә шулай кабул итәм, митинг барышы белән килешмим, ләкин нәрсә бар, шуңа канәгать булырга кирәк. Кандала бар дип кенә йортны ягу яклы түгел", - ди Рүзәл Мөхәммәтшин.

Ул бүгенге вазгыятьтән чыгып эш итәргә чакыра. "Монда, дәгъва итүдән битәр, дога белән искә алу рәвешендәрәк тынычрак чара булырга тиеш түгелме икән, дип уйлыйм мин", - дип билгеләп узды Рүзәл Мөхәммәтшин.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10