ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Дин

Татарстан мөфтие Кытай мөселманнары өчен дога кылырга чакырды

13 октябрь 2018, 12:00 , Фото: dumrt.ru/

Татарстан мөфтие Кытай мөселманнары өчен дога кылырга чакырды Безнең халык шатлыкны да, кайгыны да кешеләрне милләт һәм дингә карамыйча-аермыйча уртаклаша, диелә мөрәҗәгатьтә.

(Казан, 13 октябрь, "Татар-информ"). Татарстан Республикасы мөфтие Камил хәзрәт Сәмигуллин үзенең Instagram аккаунтындагы @kamilhazrat рәсми битендә Кытайда яшәүче мөселманнар өчен дога кылырга чакырды.

"Миннән күп кеше Кытайда мөселманнарга карата алып барылган сәясәткә карата шәхси карашымны сорыйлар. Дин әһеле дингә каршы кампанияне ничек бәяли ала соң? Пәйгамбәребез ﷺ әйткән: "Аллаһ янында иң кыйммәтлегез, Аңа иң күп хөрмәт күрсәткәнегездер, шуңа күрә гарәпнең, гарәп булмаган бер кемсә өстендә бернинди өстенлеге юк. Гарәп булмаган бер кешенең гарәп өстендә бернинди өстенлеге юк. Ак тәнле кара тәнле кешедән өстен түгел һәм кара тәнле ак тәнледән өстен түгел".

Без үзебезнең күпмилләтле һәм күпдинле Ватаныбызда бер-беребезне кимсетмичә, үзара тату яшәргә күнеккән. Безнең халык шатлыкны да, кайгыны да кешеләрне милләт һәм дингә карамыйча-аермыйча уртаклаша".

Камил хәзрәт үз мөрәҗәгатендә шулай ук тарихи сабакларны да искә төшереп үтә: "Үзебезнең тарихны үз башыбыздан кичереп, без бик яхшы бер сабак алдык: дингә каршы көрәш халык хәтерендә төзәлмәс яралар һәм бик куркыныч нәтиҗәләргә китерә".

Шул ук вакытта мөфти Кытай халкының бай мәдәниятенә һәм бөек дәүләтчелегенә дә игътибарны юнәлтә: "Әлеге бөек дәүләтнең хакимияте борынгы Кытай мәдәниятенең кешелек дөньясына никадәр зирәклек һәм хикмәтне бүләк иткәнен онытмаса иде. "Якын күрше ерак туганнан яхшы" диелә икән аларның халык мәкалендә", - ди хәзрәт.

Мөрәҗәгатен тәмамлап, Татарстан мөфтие Кытай мөселманнары өчен догада булырга чакыра: "Кытай бик күп мөселманнар өчен Ватан булып тора, ислам исә - тынычлык, хозурлык, мәрхәмәтлелек дине, ул үз асылында кешеләргә карата рәхим-шәфкать чәчеп торучы көч туплый. Без, Россия мөселманнары, үзебезнең кардәшләребез өчен иминлек сорап дога кылырга тиешбез. Безнең барыбызны да якларга әзер торучы Зат бар - ул безнең Раббыбыз һәм Яралтучыбыз". 

 
 
 
 
 
Посмотреть эту публикацию в Instagram
 
 
 
 
 
 
 
 
 

Миннән күп кеше Кытайда мөселманнарга карата алып барылган сәясәткә карата шәхси карашымны сорыйлар. Дин әһеле дингә каршы кампанияне ничек бәяли ала соң? Пәйгамбәребез ﷺ әйткән: "Аллаһ янында иң кыйммәтлегез, Аңа иң күп хөрмәт күрсәткәнегездер, шуңа күрә гарәпнең, гарәп булмаган бер кемсә өстендә бернинди өстенлеге юк. Гарәп булмаган бер кешенең гарәп өстендә бернинди өстенлеге юк. Ак тәнле кара тәнле кешедән өстен түгел һәм кара тәнле ак тәнледән өстен түгел". Без үзебезнең күпмилләтле һәм күпдинле Ватаныбызда бер-беребезне кимсетмичә, үзара тату яшәргә күнеккән. Безнең халык шатлыкны да, кайгыны да кешеләрне милләт һәм дингә карамыйча-аермыйча уртаклаша. Үзебезнең тарихны үз башыбыздан кичереп, без бик яхшы бер сабак алдык: дингә каршы көрәш халык хәтерендә төзәлмәс яралар һәм бик куркыныч нәтиҗәләргә китерә. Әлбәттә, безне Кытайда килеп чыккан вәзгыять борчый - ул бит безнең кардәшләргә турыдан-туры кагыла. Әмма әлеге бөек дәүләтнең хакимияте борынгы Кытай мәдәниятенең кешелек дөньясына никадәр зирәклек һәм хикмәтне бүләк иткәнен онытмаса иде. "Якын күрше ерак туганнан яхшы" диелә икән аларның халык мәкалендә. Кытай бик күп мөселманнар өчен Ватан булып тора, ислам исә - тынычлык, хозурлык, мәрхәмәтлелек дине, ул үз асылында кешеләргә карата рәхим-шәфкать чәчеп торучы көч туплый. Без, Россия мөселманнары, үзебезнең кардәшләребез өчен иминлек сорап дога кылырга тиешбез. Безнең барыбызны да якларга әзер торучы Зат бар - ул безнең Раббыбыз һәм Яралтучыбыз.

Публикация от Kamil Samigullin (@kamilhazrat)


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10