ҺАВА ТОРЫШЫ -16 oC

Яңалыклар

барлык хәбәрләр Татарстан Россия

Рәсми Татарстан

Бүген Рөстәм Миңнеханов Чаллыда яңа юллар ачуда катнаша һәм машина төзүчеләрне котлый

12 октябрь 2018, 09:12

Татарстан Президенты көннең беренче яртысында Автокалага сәфәр кыла.

(Казан, 12 октябрь, «Татар-информ»). Бүген көннең беренче яртысында Рөстәм Миңнехановны Чаллыда көтәләр. Анда Татарстан Президенты ТР Террорчылыкка каршы комиссиясенең күчмә утырышын үткәрәчәк, яңа һәм яңартылган автомобиль юлларын ачуда катнашачак, машина төзүчеләрне һөнәри бәйрәмнәре белән котлаячак.

«Реконструкциядән соң Җиңүнең 40 еллыгы урамында машиналар хәрәкәте ачыла. Әлеге участокта эшләр «Имин һәм сыйфатлы юллар» федераль программасы кысаларында алып барылды. Объектның бәясе 835 миллион сум тәшкил итә. Акчаның иң зур өлеше федераль бюджеттан бүлеп бирелгән. Барлыгы 12,6 чакрым автомобиль юлы ремонтланган, өстәмә рәвештә 2,5 чакрым юл һәм 7,5 чакрым тротуар төзелгән», - диде ТР Президентының матбугат хезмәте җитәкчесе урынбасары Лилия Галимова кичә Хөкүмәт йортында узган брифингта.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10