ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда “Хизб ут-Тәхрир әл-Ислами”ның Россиядәге төркеме башлыгын тоткарлаганнар

11 октябрь 2018, 17:51 , Фото: скрины с видео ФСБ России

Татарстанда “Хизб ут-Тәхрир әл-Ислами”ның Россиядәге төркеме башлыгын тоткарлаганнар
 Тоткарлау вакытында тыелган төркемне пропагандалау материаллары, агентлар күрсәтмәләре, эшләнгән эш турында хисап документлары табылган.

(Казан, 11 октябрь, “Татар-информ”). Татарстанда махсус операция вакытында, Россия Югары суды белән тыелган “Хизб ут-Тәхрир әл-Ислами” халыкара террорчылык оешмасының Россиядәге "канаты" башлыгы һәм төбәк бүлекчәсе җитәкчеләре тоткарланган. Бу хакта “Татар-информ”га Россия Федераль куркынычсызлык хезмәтенең (ФСБ) җәмәгатьчелек белән элемтәләр үзәгендә хәбәр иттеләр.

Тоткарлау операциясен Россия ФСБ хезмәткәрләре, Россия Татарстан Эчке эшләр министрлыгының Татарстан Республикасы бүлекчәләре һәм Россия илкүләм гвардия сугышчылары башкарган.

“Тоткарланучыларның,  чит илдәге кураторлары күрсәтмәсе буенча, Конституциягә каршы эшчәнлек алып барулары ачыкланган. Әлеге эшчәнлек “Бөтендөнья хәлифәте” теократик унитар дәүләтен төзү доктринасына нигезләнгән. Ул гамәлдәге хакимиятне, шул исәптән террористик методлар белән, бәреп төшерүгә юнәлдерелгән”, дип хәбәр иттеләр Россия Федераль куркынычсызлык хезмәтенең җәмәгатьчелек белән элемтәләр үзәгендә.

Россия ФСБсы мәгълүматы буенча, тоткарланучылар Россиядә тыелган “Хизб ут-Тәхрир әл-Ислами”га мөселманнарны тарткан, илдә ябык структура төзү буенча максатчан эш алып барган, Якын Көнчыгыш илләрендәге сугышчан террорчылык оешмаларын тулыландыру максатына эшләгән.

Тоткарлау вакытында тыелган төркемне пропагандалау материаллары, агентлар күрсәтмәләре, эшләнгән эш турында хисап документлары табылган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10