ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Җәмгыять

Россия электрон паспорты нинди булачагы билгеле

10 октябрь 2018, 07:45

Электрон паспортта берничә документ берләштереләчәк.

(10 октябрь, Казан, "Татар-информ"). Россия электрон паспорты нинди булачагы билгеле булды. Бу хакта ТАСС яза.

Россия гражданины паспортының яңа формасы, гадәти кәгазь гомумгражданлык паспортындагы кебек үк, фотография, бармак эзләре турындагы мәгълүматны һәм аның электрон имзасын да үз эченә алачак.

Электрон паспортта берничә документ берләштереләчәк. Монда СНИЛС, машина йөртү таныклыгы һ.б. булыр дип планлаштырыла. Паспортны чиплы пластик карта формасында ясап, халыкка таратачаклар.

Бу документ ярдәмендә кешеләр дәүләт хезмәтләрен һәм реестрларын куллана алачак. Хезмәт күрсәтүләр турында язма электрон рәвештә теркәләчәк.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10