ҺАВА ТОРЫШЫ -19 oC

Яңалыклар

барлык хәбәрләр Татарстан Россия

Авыл

Кайбычның “Туган як-Агро” хуҗалыгы механизаторы туңга сөрүдә өлгерлек күрсәтә

10 октябрь 2018, 08:00 , Фото: kaibicy.ru

Кайбычның “Туган як-Агро” хуҗалыгы механизаторы туңга сөрүдә өлгерлек күрсәтә “Туган як-Агро” хуҗалыгында быел 1044 гектар мәйданда туңга сөрү планлаштырылган.

(Кайбыч, 10 октябрь, "Татар-информ", "Туган як", Мингазиз Сөнгатуллин). Кайбыч районы хуҗалыкларында уңышы җыеп алынган басуларда туңга сөрү дәвам итә. 4 октябрьгә планда каралган 32 мең 600 гектар мәйданның 27700 гектарында эш башкарылган. Бу барлык мәйданнарның 85 проценты дигән сүз.

“Туган як-Агро” хуҗалыгында быел 1044 гектар мәйданда туңга сөрү планлаштырылган. Бу эштә “К-700” тракторында Фәнис Бикбов өлгерлек күрсәтә. Туңга сөрелгән мәйданнарның саны арта бара.

– Минем тракторчы булып эшли башлавыма 20 елдан артык вакыт үтте. Механизаторлар һәр ел фасылында сезонлы эш башкара. Язгы кыр эшләре барышында чәчүдә, җәйге чорда “Полесье” терлек азыгы уру комбайнында эшләдем. Урып-җыю вакытында “Енисей” комбайнында 8 мең центнерга якын ашлык суктырдым. Хәзерге вакытта “К-700” тракторында туңга сөрәм. Абыем Рәмис Бикбов мине икенче сменада алыштыра, – диде Фәнис.

Быелгы сезонда “Енисей” комбайнчылары арасында ул республикада алдынгылар сафында атлады. Шул уңайдан республика Президенты Рөстәм Миңнеханов тарафыннан бирелүче премиягә дә лаек булган. Авыл хуҗалыгы шундый тырыш, булдыклы егетләргә таяна да инде, диелгән район хәбәрендә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10