ҺАВА ТОРЫШЫ -11 oC

Яңалыклар

барлык хәбәрләр Татарстан Россия
×

Татар дөньясы

Төньяк Америка татарлары кардәшләр кубогы уеннарына әзерләнә

9 октябрь 2018, 21:42 , Фото: instagram.com/montrealtatar/

Төньяк Америка татарлары кардәшләр кубогы уеннарына әзерләнә Милләттәшләр быел өченче тапкыр хоккей уеннары оештырачак.
(Казан, 9 октябрь, "Татар-информ"). Төньяк Америкада яшәүче татарлар кабат хоккей уйнарга җыелачак. Бу хакта Монреаль татарларының социаль челтәрдәге төркемендә хәбәр ителә. 
 
Кардәшлек кубогына уен 24 ноябрьгә билгеләнгән. Уен өченче тапкыр үткәреләчәк. 
 
"Уйный белү дәрәҗәсенә карамыйча, бар уенчыларны көтеп калабыз. Тамашачыларга керү бушлай. Уен вакытында периодлар арасында сезне кызыклы чыгышлар көтә. Боз сараенда истәлекле призлар белән лотерея уйнатылачак", диелә хәбәрдә. 
 
Уенда Канаданың һәм АКШның төрле өлкәләреннән  татарлар катнашуы көтелә. 
 
Шуны да билгеләп үтәргә кирәк, Америкадагы татар хоккейчылары өчен "Ак барс" хоккей командасы свитерлар юллады.
 
Сүз уңаеннан, уенның кардәшләр кубогы - күчеп йөри торган кубок. Узган ел әлеге бүләккә "Кызыл барс" командасы лаек булган иде. Быел кемнәр җиңгәне бер айдан билгеле булачак. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10