ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Җәмгыять

Думада мәктәпләр һәм балалар бакчаларында Wi-fiны гамәлдән чыгарырга тәкъдим иттеләр

9 октябрь 2018, 15:05

Интернет дәрес үткәрергә комачаулый һәм балаларның сәламәтлегенә тискәре йогынты ясый, ди депутат Иван Сухарев.

(Казан, 9 октябрь, «Татар-информ»). Россия Дәүләт Думасында мәктәпләр һәм балалар бакчаларында Wi-fiны гамәлдән чыгарырга тәкъдим иттеләр. Депутат Иван Сухарев шундый инициатива белән чыкты. Бу хакта RT телеканалы хәбәр итә.

Парламентарий мәгариф министры Ольга Васильевага шундый тәкъдим белән мөрәҗәгать итәргә ниятли.

Сухарев фикеренчә, интернет дәрес үткәрергә комачаулап кына калмый, балаларның сәламәтлегенә дә тискәре йогынты ясый.

Европада мәктәпләр һәм балалар бакчаларында Wi-fiны тыю буенча тиешле чаралар күрәләр. Аерым алганда, Франциядә мәгариф учреждениеләрендә Wi-fiны тыю турындагы законны 2015 елда ук кабул иткәннәр, дип искәртә депутат.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10