ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Икътисад

Татарстанда еллык инфляция 4 проценттан артмый

9 октябрь 2018, 12:39 , Фото: tatarstan.ru

Татарстанда еллык инфляция 4 проценттан артмый ТР Хөкүмәте йортында Россиядә акча-кредит сәясәте мәсьәләләренә багышланган коммуникацион сессия узды.

(Казан, 9 октябрь, «Татар-информ»). Татарстанда еллык инфляция узган елның декабреннән бирле 4 проценттан артмый. Бүген ТР Премьер-министрының беренче урынбасары Рөстәм Нигъмәтуллин ТР Хөкүмәте йортында узган акча-кредит сәясәте мәсьәләләренә багышланган коммуникацион сессиядә шулай дип белдерде.

Татарстан районнары белән видеоконференция элемтәсе режимында узган сессиядә шулай ук Россия Банкының Акча-кредит сәясәте департаменты директоры урынбасары Андрей Липин, Россия Банкының Идел-Нократ баш идарәсе җитәкчесе Лариса Павлова, башкарма хакимият органнары һәм республиканың бизнес-җәмгыяте вәкилләре катнашты. Бу хакта ТР Хөкүмәте рәсми порталында хәбәр ителә.

Коммуникационная сессия с участием начальника Волго-Вятского главного управления Центрального банка Российской Федерации Л.В. Павловой 
и директора Департамента денежно-кредитной политики Центрального банка Российской Федерации А.С.Липина по вопросам денежно-кредитной политики Банка России

Татарстан импортны алыштыру сәясәтен уңышлы алып бара, шул исәптән азык-төлек продуктлары буенча да. Россиядә җитештерелгән сөтнең 6 процентка якыны, бәрәңгенең 5 проценты республика өлешенә туры килә. Республика җитәкчелегенең ярдәме җирле җитештерүчеләргә яңа сату базарларына чыгарга мөмкинлек бирә.

Коммуникационная сессия с участием начальника Волго-Вятского главного управления Центрального банка Российской Федерации Л.В. Павловой 
и директора Департамента денежно-кредитной политики Центрального банка Российской Федерации А.С.Липина по вопросам денежно-кредитной политики Банка России

«Инфляциянең түбән булуы – икътисади үсешкә ирешү һәм гражданнарның яшәү дәрәҗәсен күтәрү өчен кирәкле шарт. Ул хезмәт хакы һәм җыйган акчаның очсызлануын тоткарлый, икътисадта ставкаларны акрынлап киметергә мөмкинлек бирә», - дип искәртте Нигъмәтуллин.

Татарстанның беренче вице-премьеры фикеренчә, халыкның һәм җитештерүчеләрнең икътисади тотрыклылыкка ышанычы кредитларны җәлеп итү мөмкинлекләрен активрак кулланырга ярдәм итә.

Коммуникационная сессия с участием начальника Волго-Вятского главного управления Центрального банка Российской Федерации Л.В. Павловой 
и директора Департамента денежно-кредитной политики Центрального банка Российской Федерации А.С.Липина по вопросам денежно-кредитной политики Банка России

Россия Банкының төп ставка буенча сентябрь аенда кабул иткән карары, Үзәк Банкның акча-кредит сәясәте, инфляциядә немонетар факторларның роле һәм аларның йогынтысын киметү буенча хакимият органнарының гамәлләрен координацияләүнең әһәмияте сессиядә кузгатылган төп мәсьәләләр булды. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10