ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Икътисад

Киләсе елда Казанда Кытай рестораны һәм спа-үзәк эшли башлый

8 октябрь 2018, 09:46 , Фото: Михаил Захаров

Киләсе елда Казанда Кытай рестораны һәм спа-үзәк эшли башлый Кытайның шәхси инвесторы Казанда бина сатып алу буенча тендерларда катнашкан инде, әмма оттырган.

(Казан, 8 октябрь, «Татар-информ», Диана Авакян). 2019 елда Казанда Кытай рестораны һәм спа-үзәк ачылырга мөмкин. Бу хакта «Татар-информ» агентлыгына ТР Инвестицион үсеш агентлыгы җитәкчесе Талия Миңнуллина хәбәр итте.

Башта шәхси инвестор медицина үзәге проектын гамәлгә ашырырга ниятләгән. Әмма шуның белән бәйле норматив проблемалар килеп чыгу аркасында спа-үзәк проектына тукталган, дип искәртте Миңнуллина.

«Инвесторларның Санкт-Петербургта рестораннары эшләп килә инде. Казанда да Кытай рестораны бар, әмма ул без теләгән дәрәҗәдә үк түгел», - диде Миңнуллина.

Кытайның шәхси инвесторы Казанда бина сатып алу буенча тендерларда катнашкан инде, әмма оттырган. Шунлыктан планнары киләсе елга күчкән, диде ТР Инвестицион үсеш агентлыгы җитәкчесе.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10