ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Җәмгыять

Молдовада бер тапкыр кулланыла торган савыт-саба чыгаруны тыячаклар

7 октябрь 2018, 11:12 , Фото: Рамиль Гали/архив

Молдовада бер тапкыр кулланыла торган савыт-саба чыгаруны тыячаклар
 
Законны бозучылар штрафка тартылачак.

(Казан, 7 октябрь, “Татар-информ”). Молдовада 2021 елның 1 гыйнварыннан бер тапкыр кулланыла торган пластик савыт-саба сату һәм куллануны тыярга мөмкиннәр. Бу хакта “Анадолу” агентлыгы хәбәр итә.

Молдова парламенты матбугат хезмәтенә сылтама белән, moldovainform.md хәбәр итүенчә, Экология һәм төбәк үсеше парламент комиссиясе законның әлеге мәсьәләгә кагылышлы өлешенә үзгәреш һәм өстәмә кертү проектын хуплаган.

Законны бозучылар штрафка тартылачак. Физик затлар өчен штраф суммасы 4,5 мең лей (265 АКШ доллары чамасы), юридик затлар өчен - 12 мең лей (708 доллардан күбрәк).

Закон проекты буенча парламентта фикер алышу булачак һәм ул тавышка куелачак. Моңа кадәр депутатлар Молдовада киләсе елның 1 гыйнварыннан пластик пакетларны сату һәм куллануны тыю буенча закон проектын хуплаган булган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10