ҺАВА ТОРЫШЫ -11 oC

Яңалыклар

барлык хәбәрләр Татарстан Россия
×

Рәсми Татарстан

Питрәч районында котыру чире буенча карантин гамәлдән чыгарылды

5 октябрь 2018, 21:45

Агымдагы елның 1 августыннан Чыты авылында котыру чире буенча карантин игълан ителгән иде.

(Казан, 5 октябрь, «Татар-информ»). Татарстан Президенты Рөстәм Миңнеханов боерыгы белән Питрәч районының Чыты авылында котыру чире буенча карантин гамәлдән чыгарылды. Документ тексты Татарстан Президентының рәсми порталында урнаштырылган.

Бу территориядә котыру чире буенча карантин 2018 елның 1 августында кертелгән иде. Хәзер хайваннарның соңгы авыру очрагы теркәлгәннән соң ике ай узуы, чиргә каршы һәм кисәтү чаралары үткәрелү белән бәйле рәвештә, карантин гамәлдән чыгарыла, диелгән боерык текстында.

  • Алдан “Татар-информ” агентлыгы Татарстан Президенты котыру чире буенча Апас районының Танай-Турай, Яшел Үзән районының Ореховка һәм Тукай районының Таулык авылларында карантин кертүе турында хәбәр иткән иде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10