ҺАВА ТОРЫШЫ -11 oC

Яңалыклар

барлык хәбәрләр Татарстан Россия
×

Фән һәм мәгариф

КФУда татар теле, әдәбияты, журналистика белгечлегендә быел 25 кеше белем ала

5 октябрь 2018, 14:25 , Фото: Михаил Захаров

КФУда татар теле, әдәбияты, журналистика белгечлегендә быел 25 кеше белем ала Узган уку елында бу юнәлеш буенча 12 кеше диплом алган.

(Казан, 5 октябрь, “Татар-информ”, Гөлнар Гарифуллина). Быел КФУның Лев Толстой исемендәге Филология һәм мәдәниятара багланышлар институты Г.Тукай исемендәге Татаристика һәм тюркология югары мәктәбендә татар теле, әдәбияты, журналистика белгечлегенә 25 кеше кабул ителгән. Бу хакта “Татар-информ” агентлыгында узган матбугат конференциясендә югары мәктәп директоры Әлфия Йосыпова хәбәр итте.

Быел бу белгечлек буенча беренче чыгарылыш булган. “4 ел укып, татар теле, әдәбияты, журналистика белгечлеге буенча 12 кеше диплом алып чыкты. Бу уку елында өченче курста бер төркемдә 36 кеше укый, беренче курска 25 кеше кабул ителде. Бу студентлар татар теле, әдәбиятына өстәмә рәвештә журналистикадан белем ала”, - диде ул.

Әлфия Йосыпова сүзләренчә, КФУның Журналистика югары мәктәбеннән белгечләр чакырыла. “Васил Заһитович (Гарифуллин – Т.И. искәрмәсе), Радик Сабиров укыта. Тел, тәнкыйть дәресләрен үзебезнең укытучылар укыта”, - диде ул.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10