ҺАВА ТОРЫШЫ +1 oC

Яңалыклар

барлык хәбәрләр Татарстан Россия

Җәмгыять

Татарстанда яман шеш авыруларын дәвалауга чыгымнарны арттырырга җыеналар

4 октябрь 2018, 21:30 , Фото: архив/Александр Эшкинин

Татарстанда яман шеш авыруларын дәвалауга чыгымнарны арттырырга җыеналар
  2019 елда беренче тапкыр - мәҗбүри медицина иминияте системасында онкологик авыруларны дәвалауга кеше башына норматив билгеләнәчәк.

(Казан, 4 октябрь, “Татар-информ”, Надежда Гордеева). Татарстанда 2019 елда онкологик авыруларны дәвалауга чыгымнарны 4,3 млрдка кадәр арттырырга ниятлиләр. Бу хакта бүген Татарстан Дәүләт Советының Социаль сәясәт комитеты утырышында Татарстан төбәк мәҗбүри медицина иминияте фонды директоры урынбасары Гүзәлия Зәкәриева хәбәр итте.

2019 елда беренче тапкыр мәҗбүри медицина иминияте системасында онкологик авыруларны дәвалауга кеше башына норматив билгеләнәчәк. Ул иминиятләштерелгән бер кешегә 73 мең булачак, диде докладчы. “Бу кыйммәтле терапия белән химиотерапия ярдәме күрсәтергә мөмкинлек бирә”, - диде ул.
Гүзәлия Зәкәриева сүзләренчә, быел фондта 2 млрд сумлык онкологик ярдәм каралган, киләсе елга ул 4,3 млрд булачак. Үсеш - 55 процент, диде ул.

Утырышта депутатлар “2019 елга һәм 2020 -2021 еллар план чорына Татарстанның Территориаль мәҗбүри медицина иминияте фонды бюджеты турында”гы закон проектын карады.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10