ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Икътисад

Татарстанның IT-паркы Кытайда вәкиллек ачуны планлаштыра

4 октябрь 2018, 11:51 , Фото: архив/Салават Камалетдинов, Михаил Захаров

Татарстанның IT-паркы Кытайда вәкиллек ачуны планлаштыра Шэньчжэнда Huawei, Hikvision һәм Dahua Technology кебек компанияләр эшли.

(Казан, 4 октябрь, "Татар-информ", Екатерина Фадеева). Казанның “IT-парк” югары технологияләр өлкәсендәге технопаркы Шэньчжэнда үз вәкиллеген ачарга планлаштырыла. Сөйләшүләр ноябрь аенда Татарстан делегациясенең Кытайга эш сәфәре вакытында булачак. Бу хакта “Татар-информ”га биргән интервьюсында Татарстан Республикасының мәгълүматлаштыру һәм элемтә министры Роман Шәйхетдинов сөйләде.

Вәкиллекнең максаты – Россия стартапларын Кытай базарына чыгаруны тәэмин итү, аларның Кытай стратаплары белән багланышларын булдыру һәм КНР белән берлектә яңа компанияләр оештыру мөмкинлеге, дип сөйләде Роман Шәйхетдинов.

“Шэньчжэн белән кызыксыну аның күп санлы электрон җиһазлар җыю урыны булу белән дә бәйле. Шэньчжэнда Huawei, Hikvision һәм Dahua Technology кебек компанияләр эшли. Без алар белән хезмәттәшлек итәбез”, - диде министр.

Роман Шәйхетдинов сүзләренчә, мондый мәйданчык булдыру Шэньчжэн белән генә түгел, ә Гонконг белән дә үзара бәйләнеш булдыруны күздә тота.

  • Шэньчжэн технопаркы КНРның 156 технопаркы арасында әйдәп баручысы. Технопаркның резидентлары 9 мең оешма. Алар җитештергән продукциянең 90 проценты мәгълүмати-коммуникацион технологияләр белән бәйле.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10