ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Сәясәт

Федерация Советы пенсия реформасы турында закон өчен тавыш бирде

3 октябрь 2018, 14:42

Закон проектына биш сенатор каршы чыкты.

(Казан, 3 октябрь, “Татар-информ”). Федерация Советы чәршәмбе көнне узган утырышта пенсия реформасы турында законны хуплады. Әлеге законда пенсия яшен этаплап биш яшькә арттыру каралган. Бу хакта "Интерфакс" хәбәр итә.

Шулай итеп, ир-атлар өчен пенсия яше 65, хатын-кызлар өчен 60 яшь булачак.

Әлеге закон өчен 149 сенатор тавыш биргән. Биш кеше каршы булган, тагын өчесе тавыш бирми калган.

Күчеш чорында, 2019 елдан 2023 елга кадәр, пенсия яшен этаплап (ел саен бер елга) арттыру планлаштырыла. 

Закон нигезендә, ир-атларга алдан пенсиягә чыгар өчен 42 ел, хатын-кызлар өчен 37 ел хезмәт стажы кирәк. Тупланма пенсия хәзерге пенсия яшендәге кебек кала: ул хатын-кызларга 55 яшьтән, ир-атларга 60 яшьтән түләнәчәк.

Пенсия яше алдындагы кешеләргә эшсезлек буенча пособиене арттыру каралган. Күп балалы аналарга пенсиягә чыгуга ташламалы режим кертелә – алар бала санына карап 50-57 яшьтән чыга. Пенсионерлар өчен җиргә һәм күчемсез милеккә салым ташламалары саклана.

2018 елның июнь уртасында Россия Хөкүмәте пенсия яшен хатын-кызлар өчен 63 яшь, ир-атлар өчен 65 яшь итеп әкренләп күтәрүне хуплады. Пенсия системасы реформасын 2019 ел башыннан башларга, тулаем 2034 елга төгәлләргә планлаштырыла. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10