ҺАВА ТОРЫШЫ -19 oC

Яңалыклар

барлык хәбәрләр Татарстан Россия

Дин

Калининградта “Фәхретдин укулары” Бөтенроссия фәнни-гамәли конференциясе була

2 октябрь 2018, 20:49

Әлеге чара Калининград шәһәре һәм Калининград өлкәсе мөселманнары җәмгыяте теркәлүнең 25 еллыгы уңаеннан үткәрелә.

(Казан, 2 октябрь, “Татар-информ”). 15 - 17 октябрь көннәрендә Калининград шәһәрендә V “Фәхретдин укулары” Бөтенроссия фәнни-гамәли конференциясе булачак. Бу хакта Россия Мөфтиләр шурасы матбугат хезмәте хәбәр итә.

Конференциянең темасы “Ислам һәм Калининград өлкәсе мөселманнары Ватанга һәм үз диннәренә хезмәттә” дип атала. 

Әлеге чара Калининград шәһәре һәм Калининград өлкәсе мөселманнары җәмгыяте теркәлүнең 25 еллыгы уңаеннан үткәрелә. Укулар җәмгыять үсешен алга җибәрүдә дәүләт һәм социаль институтланың хезмәттәшлегенә багышлана.

Чараны Россия Федерациясе мөселманнары Диния нәзарәте, Россия Мөфтиләр шурасы һәм Мәскәү ислам институты оештыра. Биредә дәүләт органнары вәкилләре, дин эшлеклеләре, социологлар, фәнни һәм иҗтимагый интеллигенция вәкилләре катнаша, диелгән әлеге хәбәрдә. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10