ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Татар дөньясы

Төмән татар яшьләре пешекчеләр арасында бәйге игълан итә

2 октябрь 2018, 10:32

Төмәндәге "Чак- чак party"да иң оста чәкчәк пешерүчене бүләкләячәкләр.
(Казан, 2 сентябрь, "Татар-информ"). Төмәндәге "Чакчак party"да иң оста чәкчәк пешерүчене бүләкләячәкләр. Бу хакта Төмәннең Татар мәдәни үзәге хәбәр итә. 
 
Төмән каласында узачак "Чакчак party" халыкара акциясе кысаларында үтәчәк чарада профессионал пешекчеләр ярышачак. 
 
Конкурсның максаты -  татар ашларын таныту; пешекче һөнәренең дәрәҗәсен үстерү; катнашучыларга иҗади һәм һөнәри үсеш өчен мөмкинлек бирү; тәҗрибә уртаклашу;  этник гореф-гадәтләрне һәм йолаларны популярлаштыру; милли гореф-гадәтләрне пропагандалау һәм башка милләт вәкилләренә күрсәтү.
 
14 октябрьдә Төмән Татар мәдәни үзәге тарафыннан оештырылачак бәйгедә шәһәрнең иҗтимагый туклану урыннарында эшләүче пешекчеләр катнаша ала. Бәйгегә алар 1-2 ризык тәкъдим итә алачак. Җиңүчеләрне тамашачылар ачык тавыш бирү юлы белән ачыклаячак. Иң оста пешекчеләр I, II, III дәрәҗәдәге дипломнар һәм истәлекле бүләкләргә ия булачак. 
 
Заявкаларны 13 октябрьгә кадәр юлларга мөмкин.
 
 
  • "Чакчак party" акциясен уздыру карары 26-31 август көннәрендә Казанда үткән Бөтендөнья татар яшьләре форумында кабул ителгән иде. Акция Дөньяның татарлар яши торган барлык илләрендә дә үткәреләчәк. Бу көнне яшьләр урамнарда халыкны татар милли ризыгы - чәкчәк белән сыйлаячак. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10