ҺАВА ТОРЫШЫ +7 oC

Яңалыклар

барлык хәбәрләр Татарстан Россия

Дин

Мөфтият Татарстанда Гошер көне игълан итә

25 сентябрь 2018, 13:37

Барлык мөхтәсибәтләрдә гошер сәдакасы җыю оештырылачак һәм халыкның мохтаҗ катламы азык-төлек белән тәэмин ителәчәк.

(Казан, 25 сентябрь, «Татар-информ»). Татарстан мөселманнары Диния нәзарәте бу атнаның шимбәсендә – 2018 елның 29 сентябрендә – Татарстан Республикасында Гошер көне игълан итә. Бу хакта Татарстан Диния нәзарәте матбугат хезмәте хәбәр итә.

Барлык мөхтәсибәтләрдә гошер сәдакасы җыю оештырылачак һәм халыкның мохтаҗ катламы азык-төлек белән тәэмин ителәчәк. Гошер сәдакасы республика районнарындагы үзәк мәчетләрдә кабул ителәчәк.

Гошер – сәдаканың махсус төре, мөселман кешесе җыеп алган уңышының уннан берен мохтаҗларга бирә. Гошер сәдакасы түләүнең мәҗбүри булуы “Сыер” сүрәсенең 267 нче аятендә күрсәтелгән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10