ҺАВА ТОРЫШЫ -8 oC

Яңалыклар

барлык хәбәрләр Татарстан Россия

Мәдәният

Баулыда “Балкыш” үзешчән башкаручылар район фестиваленең сайлап алу туры узды

24 сентябрь 2018, 09:00 , Фото: Айгөл Габдрәфыйкова

Баулыда “Балкыш” үзешчән башкаручылар район фестиваленең сайлап алу туры узды Фестивальнең төп бурычы – милли мәдәниятне саклау, ветераннар арасында иҗатны популярлаштыру.

(Баулы, 24 сентябрь, "Татар-информ", "Хезмәткә дан" , Айгөл Габдрәфыйкова). Баулы мәдәният йортының кече залында ветераннар арасында “Балкыш” үзешчән башкаручылар район фестиваленең сайлап алу туры булды. Быел анда 25тән артык кеше катнашты, дип яза җирле басма.

Катнашучылар нәфис сүз, җыр, бию, музыка уен коралларында уйнау номинацияләрендә чыгыш ясадылар.

Альбина Хәлиуллина башкаруындагы җыр да тамашачыларны битараф калдырмады. Энергиясе ташып торучы әлеге ханымны баулылар яхшы белә. Ул 40 елдан артык торак-коммуналь хуҗалыкта хезмәт куйган, халык белән актив эшләгән кеше.

 “Балкыш” фестивале Татарстан Президенты, муниципаль районнар башлыклары, иҗтимагый оешмалар ярдәме белән оештырыла. Фестивальнең төп бурычы – милли мәдәниятне саклау, ветераннар арасында иҗатны популярлаштыру.

Катнашучылар өчен әлеге фестиваль фикердәшләре белән очрашу, соңгы яңалыклар һәм яхшы кәеф белән уртаклашу, тормыш мәшәкатьләрен онытып тору форсаты да.

1 октябрьдә Баулыда гала-концерт булачак. Ә бәйгенең зона этабы бераз соңрак Әлмәттә узачак. Йомгаклау этабы исә Татарстанда үткәреләчәк. Анда иң яхшы коллективлар чыгыш ясаячак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10