ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Авыл

Казанда 14 урында авыл хуҗалыгы ярминкәләре узачак

21 сентябрь 2018, 16:31 , Фото: архив/Рамиль Гали

Казанда 14 урында авыл хуҗалыгы ярминкәләре узачак Ярминкә мәйданнары иртәнге 6дан эшли башлаячак.

(Казан, 21 сентябрь, "Татар-информ"). Иртәгә, 22 сентябрьдә, Казанда традицион авыл хуҗалыгы ярминкәләре узачак. Иртәнге 6дан 12-14 сәгатьләргә кадәр Казанның барлык районнарында да 14 мәйданчык эшләячәк. Бу хакта Казан мэриясе матбугат хезмәте хәбәр итә.

Авиатөзелеш районында ярминкә мәйданы Беломор һәм Гудованцев урамнары киселешендә һәм Ленинградская урамы 17, адресы буенча эшләячәк.

Вахитов районында яшәүчеләргә авыл хуҗалыгы продукциясен К.Тинчурин һәм Татарстан урамнары чатында сатып алырга мөмкин булачак.

Киров районында ярминкә мәйданнары Батыршин урамы 20, Ильич урамы 1(1 корпус) һәм Краснококшайская урамы 150/2 адреслары буенча урнашачак.

Яңа-Савин районында мәйданнар Лаврентьев урамы 10 һәм Ямашев проспекты 71а, Идел буе районында Җиңү проспекты 50а һәм Ю.Фучик урамы 72 адреслары буенча эшләячәк.

Совет районында ярминкәләр “Казан” агросәнәгать паркында, Зәкиев урамы 12, Липатов урамы 7, Ю. Фучик һәм Ломжинская урамнары киселешендә оештырылачак.

Республика районнары аграрийлары һәм бакчачылары үз продукцияләрен Казанда отышлы бәягә сата. Авыл хуҗалыгы ярминкәләре 29 декабрьгә кадәр дәвам итәчәк. Татарстан башкаласында көндәлек универсаль ярминкәләр дә уздырыла.

Республиканың Авыл хуҗалыгы һәм азык-төлек министрлыгы мәгълүматлары буенча, иртәгә Яр Чаллыда өч урында ярминкәләр оештырылачак. Алар Габдулла Тукай исемендәге Яр буе 16, “Южный” агросәнәгать паркында һәм “Чулман” проспектындагы ипподром территориясендә узачак. Үз продукцияләрен Сарман, Әгерҗе, Менделеевск һәм Минзәлә районнары авыл хуҗалыгы продукциясен җитештерүчеләр тәкъдим итәчәк.

Шулай ук авыл хуҗалыгы товарларын Яшел Үзән районындагы “Яңа Тура” технополисында да алып булачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10