ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Җәмгыять

Дәүләт Архивында шәҗәрә төзергә өйрәтәчәкләр

20 сентябрь 2018, 19:54

Архивчылар метрика китапларының күчермәләрен күрсәтәчәк.

(Казан, 20 сентябрь, “Татар-информ”). 21 сентябрьдә 15:00 сәгатьтә Татарстан Республикасының Архив эшләре буенча дәүләт комитетында шәҗәрә төзү буенча мастер-класс узачак. Бу хакта Бөтендөнья татар конгрессы сайтында хәбәр ителә.

Архивчылар метрика китапларының күчермәләрен күрсәтәчәк. Катнашучыларны документларны дөрес анализларга өйрәтәчәкләр.

Гаилә тарихын үзлектән дә өйрәнергә мөмкин. Моның өчен паспорт белән Архивка килеп, уку залына язылырга кирәк. Метрикаларның төп нөсхәсен кулга бирмиләр. Аларны цифрлы вариантта гына өйрәнергә була.

Гаиләләр өчен дәресләрне Дәүләт архивы директорының фәнни тикшеренүләр һәм язмалар буенча урынбасары Илдар Шәфыйков һәм архив документларын һәм халыкара элемтәләрне куллану бүлегенең баш белгече Мария Минеева уздырачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10