ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Икътисад

2019 елда бюджетта эшләүчеләрнең хезмәт хакын арттыру өчен биш миллиард сум кирәк

19 сентябрь 2018, 15:02

Икътисадның реаль секторының өстәмә чыгымнары 13,7 миллиард сум булачак.

(Казан, 19 сентябрь, "Татар-информ"). 2019 елның 1 гыйнварыннан бюджет өлкәсендә минималь хезмәт хакын 11 мең 280 сумга арттыру өчен, бюджеттан 5 миллиард сум кирәк булачак. Бу хакта закон проектының финанс-икътисади нигезләмәсенә сылтама белән, РИА Новости хәбәр итә.

Закон проекты Социаль-хезмәт мөнәсәбәтләрен җайга салу комиссиясендә каралачак.

Бу сумманың 1,4 миллиарды федераль дәүләт эшчеләренең хезмәт хакын арттыруга китәчәк. 3,6 млрд сумы Россия төбәкләрендәге дәүләт һәм муниципаль оешмаларда хезмәт хакын арттыруга тотылачак. 

Икътисадның реаль секторының өстәмә чыгымнары 13,7 млрд сум булырга тиеш. “Икътисадның реаль секторларында минималь хезмәт хакын арттыру, икътисадта гомуми хезмәт хакы үсү нигезендә тормышка ашырылачак”, - диелә закон проекты материлларында.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10