ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Хәвеф-хәтәр

Казанда фронтовик белән булган җәнҗалдан соң идарәче компания директоры эшеннән куылган

19 сентябрь 2018, 09:28 , Фото: Александр Эшкинин

Казанда фронтовик белән булган җәнҗалдан соң идарәче компания директоры эшеннән куылган Юрий Величко үзенә коллекторлар яный башлаганчы, 10 елга якын идарәче компания белән көрәшкән.

(Казан, 19 сентябрь, «Татар-информ», Александр Елисеев). Казанның Авиатөзелеш районында яшәүче ветеран Юрий Величко һәм районның идарәче компаниясе арасындагы каршылык яңа борылыш алды. Компания директоры эшеннән алынган, ә пенсионерның барлык бурычлары да юкка чыгарылган.

Юрий Величко сөйләвенчә, ул 2008 елдан башлап идарәче компания белән көрәшкән. Ветеран үзенә күрсәтелмәгән хезмәтләр өчен акча түләүдән баш тарткан.

Әлеге вакыт эчендә пенсионерның 45 меңгә якын бурычы җыелган. Авиатөзелеш районының идарәче компаниясе аңа карата зур кампания башлый – суын һәм утын өзәләр.

Ветеран янына коллекторлар килеп, аңа бурычларны кайтаруны таләп итә башлыйлар.

Әлеге хәл яңа борылыш ала башлауга, аның белән район администрациясе кызыксына башлый. Һәм кичә ветеран янына Авиатөзелеш һәм Яңа-Савин районнары башлыгы Тимур Алибаев килде.

“Бу коточкыч мәгънәсезлек. Ветераннарга, өлкән яшьтәгеләргә карата мондый мөнәсәбәтне мин беркайчан да күрмәдем. Шәһәр хакимияте карар кабул итте һәм сезнең бурычлар юкка чыгарылды. Моннан тыш, без компанияучредительләренә мөрәҗәгать иттек, компания директоры эшеннән алынды. Әлеге хәл буенча тикшерү уздырылачак”, - дип белдерде Тимур Алибаев.

Юрий Величко сүзләренчә, аңа инде район прокуратурасыннан мөрәҗәгать иткәннәр. Хәзер ООО “Авиатөзелеш районы идарәче компаниясе”н тикшерүләр көтә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10