ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Икътисад

Футбол буенча Дөнья чемпионаты вакытында Казанга Казахстаннан 6 мең турист килде

18 сентябрь 2018, 11:42

Еркин Тукумов искәрткәнчә, 2018 елгы Дөнья чемпионаты Казахстаннан Татарстан башкаласына туристларның күбрәк килүенә зур этәргеч бирде.

(Казан, 18 сентябрь, «Татар-информ»). Футбол буенча Дөнья чемпионаты Казанга Казахстаннан күпсанлы туристларны җәлеп итте. Мундиаль барышында Татарстан башкаласына Казахстаннан 6 мең кеше килде. Казахстанның Казандагы генераль консулы Еркин Тукумов «Татар-информ» агентлыгына биргән интервьюсында шул хакта хәбәр итте.

«Дөнья чемпионаты Казахстаннан Казанга туристлар агымы артуына зур үтәргеч бирде. Татарстан башкаласына Казахстаннан алты меңгә якын турист килде. Бу – бик зур сан һәм аларның саны елдан-ел арта барыр, дип өметләнәм. Астана – Казан туры авиаэлемтәсе дә моңа ярдәм итәчәк», - дигән ышаныч белдерде Тукумов.

  • Бүгенге көндә Татарстанда 2 меңгә якын Казахстан гражданы гомер кичерә, шуның 1200дән артыгы – студентлар.

«Казахстанда яшәүче татарларны алсак, бу – дөньядагы иң зур диаспораларның берсе. Аларның саны 200 меңгә якын тәшкил итә», - дип искәртте дипломат.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10