ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Хәвеф-хәтәр

Казан кибетендә бер сатып алучы чалбарына яшереп кыйммәтле балык урлаган

17 сентябрь 2018, 11:45 , Фото: скриншот из видео

Казан кибетендә бер сатып алучы чалбарына яшереп кыйммәтле балык урлаган Хокук бозучыларны полиция хезмәткәрләренә тапшырганнар.

(Казан, 17 сентябрь, «Татар-информ»). Казан супермаркетында бер сатып алучы, чалбарына яшереп, кыйммәтле балык урлаган. Бу хакта «Дельта» сак предприятиесе матбугат хезмәтеннән хәбәр иттеләр.

Куркыныч хәбәре Җиңү проспектында урнашкан кибеттән кич белән килгән. Кибет хезмәткәре исерек хәлдәге һәм үзен әдәпсез тоткан сатып алучының каравылчыга сугарга теләве, башка хезмәткәрләргә бәйләнүе хакында сөйләгән.

Соңрак ачыкланганча, бу кеше кыйммәтле балыкны киеменә яшергән. Моны видеокамералар төшереп алган. Шуннан соң алар дусты белән кибеттән чыгып киткән.

Каравылчы һәм сатучы полицейскийларны көткән арада, егетләр кире әйләнеп килеп, кибеткә кермәкче булган. Сак предприятиесе хезмәткәре аларны кул богавы һәм газ баллоны ярдәмендә тоткарлаган.

Тоткарланган егетләрнең берсе балыкны ялгышлык белән алуын әйткән. Хокук бозучыларны полиция хезмәткәрләренә тапшырганнар. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10