ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Авыл

Баулыда яшәүче 45 килограммлы кабак үстергән

15 сентябрь 2018, 00:00 , Фото: Айгөл Хөсәенова

Баулыда яшәүче 45 килограммлы кабак үстергән Ул кабакны ярминәләрдә сата.

(Баулы, 15 сентябрь, "Татар-информ","Хезмәткә дан", Айгөл Хөсәенова). Баулыда яшәүче Миргасим Галәү район редакциясенә үз бакчасында үстергән берничә кабак алып килгән, дип яза җирле басма. 

Миргасим Галәү сүзләренчә, аның бакчасында әле беркайчан да шул кадәрле зур кабак үскәне булмаган. Машина багажнигыннан кабакны алырга Миргасим абыйга безнең оператор егетебез булышты, чөнки аны бер кешегә генә күтәрү мөмкин түгел иде. Мәзәк формаларга кереп үскән тагын бер көзге байлык – анысы да кабак, ләкин сорты гына башка. Гомүмән һәвәскәр бакчачы быел үз җирендә биш төрле сорт кабак үстергән. Кабак белән төрле ризыклар пешерергә Миргасим абыйның әбисе бик оста булган. Хәзер инде телеңне йотарлык тәмле ашларны аның тормыш иптәше әзерли. Бакчачы сүзләренчә кабак тәмле генә түгел, ә файдалы да.

– Бар яшелчә орлыгын үзем җитештерәм, - ди Миргасим Галәү. - Быел кабак аеруча уңды, моңа кадәр 25 килограммлы гына булалар иде. Андыйларын иптәшем белән бергә ташыйбыз. Мал тотканда элек кабакны малга ашаттык, хәзер авыл хуҗалыгы ярминкәләренә сатарга алып чыгам.

Редакция каршында яткан зур кабакка күпләрнең күзләре төште. Аның янында фотога төшергә теләк белдерүчеләр дә табылды, диелгән район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10