ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Җәмгыять, Мәдәният

Татарстанда иң күп һәйкәл Габдулла Тукай белән Муса Җәлилгә куелган

14 сентябрь 2018, 20:42

Татарстан һәйкәлләр саны буенча Россия рейтингында 23нче урынны били.

(Казан, 14 сентябрь, «Татар-информ»). Татарстанда һәйкәл куелган кешеләр бишлеге гомумроссиядәгедән нык аерыла. Биредә Александр Пушкин белән Максим Горький урынына Габдулла Тукай белән Муса Җәлил һәйкәлләре лидерлык итә. Үткәрелгән тикшеренүләр буенча Яндекс аналитиклары шундый нәтиҗәләргә килгән.

Революционер Мулланур Вахитов белән Бөек Ватан сугышы герое Газинур Гафиатуллин Татарстанда монументлар саны буенча гомумроссия рейтингында Сергей Киров белән Юрий Гагаринны узып киткән. Сугышлар өлешенә республикада куелган һәйкәлләрнең 2/3 өлеше туры килә.

Икенче урында сәясәт – дәүләт эшлеклеләренә, сәяси вакыйгаларга һәм оешмаларга куелган монументлар, алар 20 проценттан аз гына артык.

Өченче популяр тема – мәдәният, әдәбияттан дингә кадәр. Төбәктә куелган һәйкәлләрнең 8 процент чамасы аларга багышланган.

Аналитиклар ачыклаганча, Татарстанда һәйкәлләрне кешеләргә генә түгел, ә билгеле модель техникаларга да куялар. Республикада танк, самолет һәм пушка кебек хәрби техникага һәйкәл кую киң таралган. Гомумән Татарстан һәйкәлләр саны буенча Россия рейтингында 23нче урынны били. Иң күп сыннар, истәлек ташлары, стелалар һәм башка һәйкәлләр Мәскәү өлкәсендә, Мәсәкүдә һәм Краснодар краенда куелган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10