ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Татар дөньясы

Финляндиядә татар телен балалар бакчасыннан ук өйрәтәләр

14 сентябрь 2018, 16:58

Татар гаиләләрен арттыру, балаларны милли традицияләрдә тәрбияләү максатында, биредә “Исламия” җәмгыяте каршында балалар бакчасы эшләп килә.

(Казан, 14 сентябрь, «Татар-информ»). Финляндиядә татар балалар бакчасы эшли. Бу хакта Финляндиянең “Исламия” татар мәдәни-дини үзәге җитәкчесе Гөлтан Бәдретдин Бөтендөнья татар конгрессы студиясендә яздырылган видеоәңгәмәдә әйткән. Шул турыда Бөтендөнья татар конгрессы матбугат хезмәте яза.

Бүгенге көндә Финляндиядә 700 гә якын татар яши. Гөлтан Бәдретдин хәбәр итүенчә, Финляндиядә яшәүче татар гаиләләрендә туучы балалар саны арта бара. Татар гаиләләрен арттыру, балаларны милли традицияләрдә тәрбияләү максатында, биредә “Исламия” җәмгыяте каршында балалар бакчасы эшләп килә. Хәзергә анда 10 бала йөри. Шулай ук Хельсинки шәһәрендә җәй көне балалар өчен милли лагерь оештырылган. Биредә балалар бары тик татар телендә генә сөйләшеп, милләтебезнең гореф-гадәтләрен өйрәнгән.

  • Гөлтан Бәдретдин агымдагы елда Финляндиянең “Исламия” татар мәдәни-дини үзәге җитәкчесе итеп сайланган иде. Ул - 1925 елда оешкан “Исламия” җәмгыяте тарихында беренче хатын-кыз җитәкче.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10