ҺАВА ТОРЫШЫ +5 oC

Яңалыклар

барлык хәбәрләр Татарстан Россия

Җәмгыять

Апаста өч өмәдә тоннадан артык чүп-чар капчыкларга җыелган

14 сентябрь 2018, 05:00 , Фото: apastovo.ru

Апаста өч өмәдә тоннадан артык чүп-чар капчыкларга җыелган 3 өмәдә барлыгы бер йөздән артык кеше катнашкан.

(Апас, 14 сентябрь, "Татар-информ", "Апастово-информ"). Яңа төзелеп килүче Апас “Яр буе” ял-спорт комплексында чираттагы өченче зур өмә үтте. Бу чарада район башкарма комитеты җитәкчесе урынбасары Луиза Сафина белән бергә “Сәләт” балалар иҗат үзәге, Үзәк “Туган як” музее һәм “Алтын алка” Боз Сарае коллективы җитәкче-белгечләре, техник хезмәткәрләр катнашты, дип яза җирле басма.

Үзе дә башкалар белән беррәттән барлык төзекләндерү, чисталык өмәләрендә башлап йөрүче Апас бистәсе башкарма комитеты җитәкчесе урынбасары Андрей Клементьев сүзләренчә, сулык читләре, яр буенда уздырылган 3 өмәдә барлыгы бер йөздән артык кеше катнашып, тоннадан артык чүп-чар капчыкларга җыелып, полигонга илтеп түгелгән. Иң күп чүп - буш полиэтилен, пыяла шешәләр, пакет-каплар.

-Бу өмәләрдә актив булып, Татарстан, районкүләм акциядә үзеннән лаеклы өлеш кертүче “Авыл яшьләре”, “Яшь гвардия” хәрәкәте вәкилләре, бюджет карамагындагы оешма-предприятие коллективлары, гомумән, алдынгы карашлы, туган як табигатен яратучы барлык апаслыларга рәхмәтемне белдерәм,-ди район башкарма комитеты җитәкчесе урынбасары Луиза Сафина.

-Чыннан да, буа ярында үткәрелүче гомумхалык өмәләреннән соң яр буе нык чистарды. Инде үзебезнең көч белән булдырылган шушы матурлык, пөхтәлекне яр буена ял итәргә, балыкка килүчеләр саклый да белсеннәр иде, - ди музей хезмәткәрләре Айсылу Латыйпова белән Элмира Рәхимова. 

 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10