ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Икътисад

Татарстанның моношәһәрләрендә бер атна эчендә эшсезләр саны кимегән

12 сентябрь 2018, 14:22

Республиканың җиде шәһәрендә 3097 кеше мәшгульлек үзәкләрендә исәптә тора.

(Казан, 12 сентябрь, «Татар-информ»). Татарстанның дүрт моношәһәрендә бер атна эчендә эшсезләр саны кимегән. Бу хакта бүген ТР Хезмәт, мәшгульлек һәм социаль яклау министрлыгының матбугат хезмәте хәбәр итә.

Чаллы, Яшел Үзән, Менделеевск һәм Кама Аланында бер атна эчендә мәшгульлек үзәкләрендә исәптә торучылар саны азайган. Бүгенге көндә әлеге моношәһәрләрдә 1562 кешенең даими эш урыны юк.

Шул ук вакытта бер атна эчендә Алабуга, Түбән Кама һәм Чистай шәһәрләрендә эшсезләр саны арткан. Аларда рәсми рәвештә теркәлгән эшсез гражданнар саны — 1535 кеше. Республиканың җиде моношәһәрендә барлыгы 3097 эшсез исәпләнә.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10