ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Икътисад

Россия Президенты: Милли валюталарда сәүдә итүгә күчү турында уйлаучы илләр арта

12 сентябрь 2018, 14:07

Милли валюталарда исәп-хисап ясауның куркыныч ягы бар һәм аны исәп-хисапларны диверсификацияләү юлы белән киметергә мөмкин, диде Владимир Путин.

(Казан, 12 сентябрь, «Татар-информ»). Үзара сәүдә итүдә доллардан баш тарту һәм милли валюталарга күчү турында уйлаучы илләр артканнан-арта бара, Россия дә шул юнәлештә хәрәкәт итәчәк. Россия Президенты Владимир Путин Көнчыгыш икътисади форумының пленар утырышында шул хакта белдерде. Бу хакта ТАСС агентлыгы хәбәр итә.

Милли валюталарда исәп-хисап ясауның куркыныч ягы бар һәм аны исәп-хисапларны диверсификацияләү юлы белән киметергә мөмкин, диде Владимир Путин. Ул Россиянең алтын валютасы резервларын һәм дәүләт бурычын диверсификацияләве хакында искәртте.

Россия Президенты шулай ук доллар белән дә теләсә нәрсә булырга мөмкинлеген һәм АКШның дәүләт бурычы инде 20 триллион долларга җитүен искәртте.

«Боларның барысы да долларга өстәмә йөк булып тора. Алга таба нәрсә булачак. Беркем дә белми, бу сорауга җавап юк», - диде Путин. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10