ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Мәдәният

Ике хатынлылык темасына кагылып узган “Остазбикә” фильмының премьерасы булды

11 сентябрь 2018, 10:19 , Фото: кинофестиваль матбугат үзәге фотосы

Ике хатынлылык темасына кагылып узган “Остазбикә” фильмының премьерасы булды “Остазбикә” кыска метражлы фильмы Казан халыкара мөселман киносы фестиваленең “Казан премьералары” проекты кысаларында тәкъдим ителде.

(Казан, 11 сентябрь, «Татар-информ», Рузилә Мөхәммәтова). “Остазбикә” кыска метражлы нәфис фильмы премьерасы тамашачыларны ике лагерьга бүлде. Аны елап караучылар да, кискен каршы чыгучылар да булды.

Гаяз Исхакый әсәренә нигезләнеп төшерелгән “Остазбикә” кыска метражлы фильмы Казан халыкара мөселман киносы фестиваленең “Казан премьералары” проекты кысаларында тәкъдим ителде. Премьераны “Татар-информ” хәбәрчесе дә тамаша кылды.

“Остазбикә” повесте буенча фильм төшереләсе турында “Татаркино” июль аенда игълан иткән иде. Фильмны төшерергә Ренат Кәримов алынды. Продюсер – Миләүшә Айтуганова. Ул әлеге әсәрне экранлаштыру хыялы булуын әйтте. Кастингка журналистлар да чакырылды. Нәтиҗәдә төп рольләргә Әлмәт театры артистлары сайлап алынды. Фильм Буа районында төшерелде.

Гаяз Исхакый әсәрендә төп героиня – Сәгыйдә, гаиләдә бала булмагач, ире өчен икенче хатын сайлый һәм Вахит мулла ике хатын белән яши. Фильмда вакыйгалар бүгенге көнгә күчерелгән. Төп героиня иренә үзенең ахирәтен димли һәм финалда аның аерым яшәгәнлеге күренә. Вахит яшь хатыны һәм балалары белән аңа кунакка килә.

Фильмнан соң залда героиняларның киеме мәсьәләсендә бераз бәхәс булып алды. Кайбер тамашачылар героиняларның татарча киенмәүләрен тәнкыйтьләде, икенче берәүләр хәзер алай да киенүчеләр булуын әйтеп, фильмны яклап чыкты.

Фильм экранда күрсәтелгәч, аның продюсеры Миләүшә Айтуганова аның әле кимчелекләрен дә күрүен һәм болар төзәтеләчәген әйтте.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10