ҺАВА ТОРЫШЫ -5 oC

Яңалыклар

барлык хәбәрләр Татарстан Россия

Дин

Иске Таш мәчетнең түбәсен алыштырганнар

11 сентябрь 2018, 09:50

Манара һәм түбәне яңарту бер ай эчендә төгәлләнгән.

(Казан, 11 сентябрь, “Татар-информ”, Миләүшә Хананова). Бүген Казанның Яңа татар бистәсендә урнашкан Иске Таш мәчете тарихи бинасында түбә ябу эшләре тәмамланган. Бу турыда безгә мәчетнең имамы Надир Шәйморатов хәбәр итте.

Биредә Буадан Ансар хәзрәт Мөлеков җитәкчелегендәге мөселманнардан торган түбә ябучылар бригадасы эшләгән. “Төзелеш материалларын 350 мең сумга “Казан калай профильләре” ҖЧҖ бүлеп бирде. Бинаның фасадын һәм тышкы як диварларын ремонтлап, тирә-ягын төзекләндерәсе калды”, - ди Надир хәзрәт.

  • Иске Таш мәчет (Тугызынчы Җәмигъ мәчете) - Россия Федерациясе мәдәни мирас объекты. 1802 елда сәүдәгәр Габдулла Үтәмешев акчасына төзелгән. Үз вакытында Яңа татар бистәсенең иҗтимагый үзәге булган. Аның имамнары булып Әмирхановлар нәселе вәкилләре хезмәт иткән. Танылган татар язучысы Фатих Әмирхан да шул нәселдән чыккан.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10