ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Мәдәният

Мәскәүдә Рәшит Кәлимуллинның авторлык концерты узачак

8 сентябрь 2018, 13:29

Концертта Татарстанның атказанган артисты Василий Вәлитов дирижерлык итәчәк.

(Казан, 8 сентябрь, “Татар-информ”). 11 сентябрьдә Мәскәү дәүләт консерваториясенең Зур залында Россия һәм Татарстан композиторлары берлеге рәисе, Россия халык артисты Рәшит Кәлимуллинның авторлык концерты узачак. Бу хакта Татарстан Республикасының Россиядәге вәкаләтле вәкиллеге матбугат хезмәте хәбәр итә.

Композитор үзенең визит карточкасы булган: “Симфоник бизәкләр”, “Оркестр белән фортепиано өчен концерт”, “Оркестр белән тенор-саксофон өчен концерт” әсәрләрен тәкъдим итәчәк. Сәхнәдә танылган солистлар һәм “Орфей” радиосы симфоник оркестры чыгыш ясаячак.

Солистлар арасында Мариинск театры солисты Башкортстанның халык артисты Әскәр Абдразаков булачак.

Концертта Татарстанның атказанган артисты, зур музыкаль проектлар һәм фестивальләр авторы, күпкырлы музыкант Василий Вәлитов дирижерлык итәчәк.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10