ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Фән һәм мәгариф

Әтнә районының Ташчишмә авылында балалар бакчасы ачылды

6 сентябрь 2018, 22:00 , Фото: atnya-rt.ru/

Әтнә районының Ташчишмә авылында балалар бакчасы ачылды 33 балага исәпләнгән бу бакча Татарстан Республикасының максатчан программасы ярдәмендә төзелде.

(Әтнә, 6 сентябрь, “Татар-информ, “Әтнә таңы”, Сүрия Мингатина). Әтнә районының Ташчишмә авылында балалар бакчасы ачылды. 33 балага исәпләнгән бу бакча Татарстан Республикасының максатчан программасы ярдәмендә төзелде, дип яза җирле басма сайты.

Бакча ачылышында район башкарма комитеты җитәкчесе Фәрит Нуриев, Татарстан хатын-кызлар иҗтимагый оешмасының район бүлеге җитәкчесе Гөлшат Закирова, Күшәр хуҗалыгы рәисе Илнар Галиәхмәтов, Иске Өҗем авыл җирлеге башлыгы Азат Вәлиев, Иске Өҗем мәктәбе директоры Рәшит Хисмәтуллин катнашты һәм чыгыш ясады.

Балалар бакчасы ачылышында тасманы кискәндә бар да: "Еллар имин булсын, балаларыбыз исән-сау йөрсен, игелеген күрергә насыйп булсын",- дип теләде. Фәрит хәзрәт Коръән аятьләре укыганда да күңелләр нечкәрде.

Балалар бакчасы мөдире Энҗе Габделбәр кызы Сәгыйтова үзенең исеменнән, авыл халкы исеменнәндә район, дәүләт җитәкчеләренә рәхмәтен белдерде.Балалар бакчасы бик уңайлы, җылы суы да үзендә, мебельләре дә өр-яңа.

Бакчага бүгенге көндә 26 бала йөри. “Ике төркемгә бүлдек, кечкенәләр һәм зурлар төркеме бар. Штатта 9 кеше - 3 тәрбияче, 2 тәрбияче ярдәмчесе, 1 ашарга пешерүче, 1 хуҗалык мөдире, 1 оператор бар дип таныштырды “, - 19 ел Иске Өҗем мәктәбендә технология дәресләре укыткан, хәзер балалар бакчасы мөдире вазыйфасын башкаручы Энҗе Габделбәр кызы, диелә район хәбәрендә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10