ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Фән һәм мәгариф

Ирина Потехина укытучылар һәрвакыт үсештә булырга тиеш, дип саный

6 сентябрь 2018, 11:56 , Фото: Рамиль Гали

Ирина Потехина укытучылар һәрвакыт үсештә булырга тиеш, дип саный РФ Мәгариф министры урынбасары онлайн дәресләр алып бару хакында сөйләде.

(Казан, 6 сентябрь, "Татар-информ", Ләйлә Хәкимова). Укытучылар һәрвакыт үсештә булырга тиеш. Бүген бу хакта ЮНЕСКОның Ассоциацияләшкән мәктәпләре эшчәнлегенә 65 ел тулуга багышланган конференциядә Ирина Потехина әйтте. РФ Мәгариф министры урынбасары форумда катнашучыларга онлайн дәресләр алып бару хакында да сөйләде.

'Белем бирү системасы бик катлаулы, педагогларга аны тиз арада үзләштерү авыр. Хәзер укучылар алдынгы технологияләрне күпкә яхшырак белә, шуңа күрә укытучылар һәрвакыт үсештә һәм эзләнүләрдә булырга тиеш. Җәмгыятьтә укытучыларның роле үзгәрде, алар Интернет челтәре белән "ярышып" эшләргә мәҗбүр", - диде ул.

Ирина Потехина сүзләренчә, укучылар элек мәгълүматны укытучы һәм китаплардан укып белсә, хәзер барысын да Интернеттан карыйлар. "Кызганыч, андагы хәбәрләрнең күпчелеге дөрес түгел. Яшьләр глобаль челтәрдәге сүзләрне кулланып сөйләшә, без аларны күп очракта аңламыйбыз. Аларның телен аңлау өчен педагогларга да социаль челтәрләрне үзләштерә башларга кирәк", - ди мәгариф министры урынбасары.

"Укучыларның белем алуларын башка төрле оештыру өчен, педагогларга онлайн дәресләр үткәреп карарга була. Максатка ирешү өчен, кызыклы темалар таба белергә өйрәнегез. Соңгы елларда зур тизлек белән үскән Интернет челтәрен педагогик, методик осталыкны үстерүдә уңышлы кулланырга була. ЮНЕСКО мәйданында фикер алышып, уңай нәтиҗәгә килербез һәм әлеге мөһим мәсьәләнең чишелешен таба алырбыз", - дип киңәш бирде Потехина.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10