ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Дин

Екатеринбургның мөселман зиратында өмә оештырыла

5 сентябрь 2018, 07:41

Иске каберлекләрне киләсе шимбәдә, ягъни 8 сентябрь көнне тәртипкә китерү ниятләнә.
(Казан, 5 сентябрь, "Татар-информ"). Екатеринбургның Репин урамында урнашкан иске мөселман зиратында өмә оештырыла. Бу хакта "Урал татарлары" сайты хәбәр итә. 
 
Иске каберлекләрне киләсе шимбәдә, ягъни 8 сентябрь көнне тәртипкә китерү ниятләнә. 
 
Җыештыру эшләре тәмамланганнан соң, шул ук урамда урнашкан мәчеттә намаз уку, соңрак пылаудан авыз итү планлаштырыла, диелә хәбәрдә. 
  • 5 гектардан зуррак мәйданда урнашкан әлеге зиратта татарлар һәм башкортларны 1879 елдан җирләгәннәр. Бик күп иске каберлекләр сакланганлыктан, әлеге урын мемориаль объект буларак таныла. 

Бөек Ватан сугышы елларында мөселман зиратына Свердловск госпитальләрендә яралардан һәлак булган солдатларны җирләгәннәр. Әмма соңрак, 1981 елда солдатларның калдыклары Екатеринбургның башка зиратына күчерелеп җирләнелә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10