ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Җәмгыять

Минзәләдә нефтьче ветераннар һөнәри бәйрәмнәрен билгеләп үтте

5 сентябрь 2018, 03:00 , Фото: menzela.ru/news/kөn-temasyi/minzl-neftchelre-byrm-itte

Минзәләдә нефтьче ветераннар һөнәри бәйрәмнәрен билгеләп үтте Нефтьче ветераннар советы нефтьчеләр өчен М-7 юлындагы кафеда тагы зур бәйрәм оештырды

(Минзәлә, 5 сентябрь, "Татар-информ", "Минзәлә", Дильфас Галиев). Минзәлә районының элеккеге нефтьче ветераннар советы рәисе Әнәс Фәхриев үзләрендә әгъза булып торучыларның бәйрәмнәрне һәм юбилейларны билгеләп үтү кебек чараларга аеруча нык игътибар итә. Әле узган атнада гына нефтьче ветераннар советы нефтьчеләр өчен М-7 юлындагы кафеда тагы зур бәйрәм оештырды, дип яза җирле басма.

Нефтьче ветераннар әгъзалары Нефть һәм газ сәнәгате көнен зурлап билгеләп үттеләр. Әлеге бәйрәмдә “Металлосервис” ҖЧҖ җитәкчесе Алексей Юдин нефтьче ветераннарны бәйрәм уңаеннан  тәбрикләде, Минзәлә нефтьчеләренең илебезгә кара алтын чыгарудагы зур өлешләрен ассызыклап үтте, үзләренең изге теләкләрен җиткерде.

Бәйрәмгә килүчеләргә Воровский исемендәге поселокның “Рябинушка” фольклор ансамбле әгъзалары үзләренең матур һәм дәртле җырларын җырлап нефтьче ветераннарны шатландырдылар, биеттеләр. Бәйрәм азагында кунакка килгән һәр нефтьче ветеранга бәйрәм күчтәнәче алырга дип премия дә өләштеләр. Әлеге бәйрәмнең төп иганәчесе Алексей Юдин чираттагы ярдәмен күрсәтеп, нефтьче ветераннарны тагы бер кат сөендерде. Алексей Георгиевич үзе белән бергә эшләгән хезмәттәшләрен онытмый.

Бәйрәмгә кунак итеп чакырылган нефтьче ветераннар (алар бу юлы 50 кеше җыелды) озак бәйрәм итте ул көнне.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10