ҺАВА ТОРЫШЫ +2 oC

Яңалыклар

барлык хәбәрләр Татарстан Россия

Авыл

Яшел Үзәннең Олы Ачасыр авылында грант акчасына Җәйге бәйге бакчасы төзекләндерелә

2 сентябрь 2018, 09:00 , Фото: yashel-uzan.ru/news/yashәesh/oly-achasyr-avylynda-zur-m-kelle-tzeklnder-eshlre-bara

Яшел Үзәннең Олы Ачасыр авылында грант акчасына Җәйге бәйге бакчасы төзекләндерелә Әлеге эшкә 1 миллион сум тотылачак.
(Казан, 2 сентябрь, "Татар-информ", "Яшел Үзән", Гүзәл Минһаҗева). Яшел Үзән районы Олы Ачасыр авыл җирлеге 1 миллион сум  грант акчасына авылның Җәйге бәйге бакчасын төзекләндерүгә тота. Бу хакта район басмасы хәбәр итә.
 
Мондый матур урын районда башка авылларда юк, дисәк тә  дөрес булыр. Биредә гомер-гомергә  авылдашлар җыелып күңел ачты. Элек бу тирәдә Сабан туе да үткәрелә иде, дип сөйли авылның аксакаллары. Җәйге бакчага куелган таган да  яшь җилкенчәкне үзенә тартып торды, кичке уеннарда яшьләр берсе белән  танышты, кавышты. Әмма  бер генә нәрсә дә мәңгелек түгел.
 

"Бу урын күптән  төзекләндерүне  көтә иде инде. Юкәләр дә картайдылар, корыдылар. Хәзер биредә бөтенләй башкача булачак, - дип шатлыклары белән уртаклаша  авылдашлар". 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10