ҺАВА ТОРЫШЫ -2 oC

Яңалыклар

барлык хәбәрләр Татарстан Россия

Фән һәм мәгариф

Россия тарихы дәреслекләрендә татар халкы турында мәгълүмат күбрәк булачак

28 август 2018, 15:42 , Фото: Султан Исхаков

Россия тарихы дәреслекләрендә татар халкы турында мәгълүмат күбрәк булачак
Мәктәпләрдә Казан ханлыгын торгызу чорын өйрәнәчәкләр.

(Казан, 28 август, “Татар-информ”, Дмитрий Максимов). Россия тарихы дәреслекләрендә татар халкы турында мәгълүмат күбрәк булачак. Бу хакта КФУның Халыкара багланышлар институты директоры Раил Фәхретдинов "Татар-информ”да Татарстанның тарих һәм җәмгыять белеме укытучыларының II съездына багышланган матбугат конференциясендә җиткерде.

Тарих һәм җәмгыять белеме укытучыларының ел да уза торган съездының максаты татар тарихын укыту белән бәйле проблемалар турында фикер алышу һәм аларны чишү булып тора.

Россия укытучылары ассоциациясенең төбәк бүлеге сәркатибе Илсөя Фокеева игътибарны хәзер мәктәпләрдә укытылучы дәреслекләргә юнәлтте. Чарада катнашучылар фикеренчә, Россия тарихы дәреслекләрендә төбәкләргә аз игътибар бирелә. Фәхретдинов “Россия тарихын төбәкләр аша укыту” яңа проекты турында сөйләде.

“Хәзерге вакытта гомуми тарих дәреслекләрендә төбәкләргә һәм Россиянең төрле субъектларына, аерым алганда, Татарстан Республикасына тиешле игътибар бирелми. Заманча укытуда төп проблемаларның берсе булып шул торадыр, мөгаен. Махсус шуның өчен без татар тарихын тирәнтен өйрәнүгә багышланган яңа басмалар эшлибез. Хәзерге вакытта Татарстан мәктәпләре өчен 5тән 8 сыйныфка кадәр дәреслекләр язылды һәм хупланды”, - диде спикер.

  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10