ҺАВА ТОРЫШЫ +15 oC

Яңалыклар

барлык хәбәрләр Татарстан Россия

Фән һәм мәгариф

Түбән Камада иң яхшы уку йортын ачыкладылар

25 август 2018, 17:37 , Фото: e-nkama.ru

Түбән Камада иң яхшы уку йортын ачыкладылар Җиңүчеләрне Татарстан мәгариф һәм фән министры Рафис Борһанов һәм район башлыгы Айдар Метшин котлады.

(Казан, 25 август, «Татар-информ»). Түбән Камада мәгариф хезмәткәрләренең традицион август киңәшмәсе кысаларында иң яхшы уку йортын сайладылар. Бу турыда Түбән Кама районы хакимияте матбугат хезмәте хәбәр итә.

Җиңүчеләрне Татарстан мәгариф һәм фән министры Рафис Борһанов һәм район башлыгы Айдар Метшин котлады.

«Һөнәри белем бирү оешмалары арасында мәгариф оешмасын яңа уку елына иң яхшы әзерләү өчен» номинациясендә Түбән Кама индустриаль техникумы бүләкләнде. Өстәмә белем бирү оешмалары арасында иң яхшы әзерлек» номинациясендә Балалар экология-биология үзәге җиңүче булды.

Красный Ключ бистәсенең «Әкият» балалар бакчасы авылда мәктәпкәчә мәгариф учреждениеләре арасында, ә 93 нче номерлы «Әллүки» балалар бакчасы шәһәрнекеләр арасында иң яхшысы дип танылды.

Авыллар гомуми белем бирү оешмалары арасында мәгариф учреждениесен яңа уку елына иң яхшы әзерлектә Түбән Уратма урта мәктәбе, ә шәһәр мәктәпләре арасында 21 нче урта гомуми белем бирү мәктәбе иң яхшысы дип табылды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10