ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Җәмгыять

Күрмәүче велосипедчылар Парижга барышлый Чаллыда тукталган

12 август 2018, 16:31 , Фото: «Челнинские известия»

Күрмәүче велосипедчылар Парижга барышлый Чаллыда тукталган Казахстан велосипедчылары алты ил, 30 шәһәр аша 5 мең чакрым юл узачак.

(Казан, 12 август, “Татар-информ”). ”Спортның чикләре юк” социаль проекты кысаларында Астана (Казахстан) – Париж (Франция) буйлап чыккан күрмәүче һәм начар күрүче велосипедчылар төркеме Чаллыда кунарга тукталган. Бу хакта “Челнинские известия” газетасы яза.

Спортсменнар “Радуга” санаториесендә тукталганнар.

Автошәһәргә кадәр велосипедчылар тәүлегенә 10 чакрым узып, сигез көн килгән. Алар һәрбер шәһәрдә үзләренә ачык йөз күрсәтүләрен әйткән. Казахстан велосипедчыларын юлларда иминлек тәэмин итеп, полицейскийлар озата килгән.

Сәяхәткә чыкканчы күрмәүче һәм аларны партнерлары - күрүче велосипедчылар таныш булмаган. Команда булдыру өчен шактый вакыт кирәк булган.

Автошәһәрдән соң алар Казан ягына юнәлә. Татарстан башкаласында алар Казахстан республикасының генераль консуллыгында булырга планлаштыралар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10