ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Җәмгыять

Баулыда законсыз урнаштырылган реклама щитлары алынган

10 август 2018, 03:00 , Фото: bavly-tat.ru/news/җәmgyiyat/baulyda-zakonsyz-urnashtyrylgan-reklama-shchitlary-alyngan

Баулыда законсыз урнаштырылган реклама щитлары алынган Реклама конструкцияләре сүтеп алынганнан соң сатылган.

(Баулы, 10 август, "Татар-информ", "Хезмәткә дан", Айгөл Идиятуллина). Баулы шәһәрендә һәм Баулы-Отябрьский автоюлында реклама конструкцияләре сүтелүгә күпләр игътибар иткәндер. Редакция, әлеге хәлгә ачыклык кертү өчен, суд приставларының район бүлегенә мөрәҗәгать итте, дип яза җирле басма.

Бүлек начальнигы, суд приставларының район бүлеге өлкән суд приставы Валентина Евдокимова сүзләренә караганда, 2017 елда ук суд приставлары хезмәтенә законсыз урнаштырылган реклама щитларын алу турында башкару кәгазьләре кергән булган. Әлеге щитлар хуҗасына тиешле таләпләр юлланган. Ул, суд карарын үтәмәгән өчен, берничә тапкыр административ җаваплылыкка тартылган.

– Һәм менә ул реклама щитларын сүтә башлады, эш аның акчаларына башкарыла. Без әлеге участокларны карап чыктык. Суд карары, нигездә, үтәлгән, эш ябылачак, – дип хәбәр итте Валентина Евдокимова.

Реклама щитлары хуҗасы хәбәр иткәнчә, реклама конструкцияләре сүтеп алынганнан соң сатылган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10